काठमाण्डु- गण्डकी प्रदेशको मुख्यमन्त्रीमा एमाले संसदीय दलका नेता खगराज अधिकारी नियुक्त भएका छन् । प्रदेश प्रमुख डिल्लीराज भट्टले संविधानको १६८ को उपधारा २ बमोजिम अधिकारीलाई मुख्यमन्त्री नियुक्त गरेका हुन् ।

अधिकारीले एमाले, माओवादी केन्द्र, दीपक मनाङे र सभामुखको समर्थनमा प्रदेश प्रमुख समक्ष दाबी पेस गरेका थिए । कांग्रेसले सभामुखसहित पेस गरेको दाबी असंवैधानिक रहेको भन्दै असन्तुष्टि जनाएको छ ।

कोशीमा सभामुखसहित संख्या गनेर दावी पेश गर्दा पछि अदालतले उक्त सरकार उल्ट्याइदिएको थियो ।