काठमाण्डु – नयाँ बानेश्वरस्थित पुरानो संसद भवनमा आयोजित एक कार्यक्रममा सरकारको विरोध जनाएपछि जेन–जी आन्दोलनका घाइते पवन खड्कालाई प्रहरीले नियन्त्रणमा लिएको छ।

गृहमन्त्री तथा अन्य मन्त्रीहरूको सहभागिता रहेको कार्यक्रममा खड्काले सरकारले आन्दोलनका घाइतेका लागि पर्याप्त काम नगरेको भन्दै विरोध जनाएका थिए। आफूलाई आफ्ना कुरा राख्न दिनुपर्ने माग गर्दै उनले कार्यक्रममा आवाज उठाएपछि सुरक्षाकर्मीले उनलाई नियन्त्रणमा लिएको बताइएको छ।

खड्का जेन-जी आन्दोलनका क्रममा घाइते भएका व्यक्ति हुन्। कार्यक्रममा उनले आन्दोलनका घाइते तथा प्रभावितका विषयमा सरकारको ध्यानाकर्षण गराउने प्रयास गरेका थिए।

घटनापछि सुरक्षाकर्मीले उनलाई कार्यक्रमस्थलबाट बाहिर निकालेको थियो ।