कपिलवस्तु – पूर्व–पश्चिम राजमार्गको बोर्डगाउँ नजिक कार दुर्घटना हुँदा ग्लोबल आई.एम.ई. बैंक वनगाई शाखाका प्रवन्धकको मृत्यु भएको छ ।

बा.६ च ६३९० नम्बरको कार दुर्घटना हुँदा कपिलवस्तु नगरपालिका–९ हरनामपुर निवासी २९ वर्षीय सुरज पाण्डेको ज्यान गएको हो । पाण्डेले आफै चलाएको कार अनियन्त्रित भई सडक किनारको बिजुलीको पोलमा ठोक्किएको प्रहरीले जनाएको छ ।

दुर्घटनामा अन्य ५ जना घाईते भएका छन् । घाईते मध्ये २ जनालाई उपचारका लागि बुटवल लगिएको छ भने अन्य ३ जना घाईतेको वाणगंगामा रहेको सामुदायिक अस्पतालमा उपचार भईरहेको इलाका प्रहरी कार्यालय पिपराले जनाएको छ । सोमबार बहिनीको विवाह रहेको हुँदा पाण्डे बिहानैदेखि विवाहको व्यवस्थापनमा जुटेका थिए ।