काठमाण्डु– आइतबार सुनको भाउ बढेर नयाँ रेकर्ड राखेको छ । गत शुक्रबार २ लाख ६ सय पुगेर इतिहासकै महङ्गो बनेको सुनको भाउ आज पनि ३ हजार रुपैयाँ बढेको हो ।

आज सुन २ लाख ३ हजार ६ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ । यो मूल्य हालसम्मकै उच्च हो ।

यस्तै आज चाँदीको भाउले पनि रेकर्ड राखेको छ । आज एकै दिन चाँदी प्रतितोला ६५ रुपैयाँ बढेको छ । महासंघका अनुसार अघिल्लो दिन २३६० रुपैयाँमा कारोबार भएको चाँदी आज प्रतितोला २४२५ रुपैयाँ पुगेको छ। यो मूल्य हालसम्मकै उच्च हो ।

अन्तर्राष्ट्रिय बजारमा सुनको मूल्य बढेसँगै स्थानीय बजारमा पनि त्यसको प्रभाव परेको देखिन्छ।

विश्वका लगानीकर्ताहरुले अन्य क्षेत्र भन्दा सुन सुरक्षित लगानीको रुपमा लिँदा विश्व बजारमा सुनको मूल्य वृद्धि भएको जानकारहरु बताउँछन्।