काठमाण्डु – गृह मन्त्रालयले ४ जना सहसचिवको सरुवा गरेको छ ।

मंगलबार भएको सरुवाअनुसार मन्त्रालयका प्रवक्ता रहेका सहसचिव रामचन्द्र तिवारीलाई अध्यागमन विभागको महानिर्देशकमा सरुवा गरिएको छ ।

विभागका महानिर्देशक गोविन्दप्रसाद रिजाललाई मन्त्रालयमा फिर्ता बोलाइएको छ भने त्रिभुवन अन्तर्राष्ट्रिय विमानस्थलस्थित अध्यागमन कार्यालयका प्रमुख विष्णुप्रसाद कोइरालालाई मन्त्रालयमा तानिएको छ । कोइराला विमानस्थलबाट हुने मानव तस्करीका घटनामा विवादित बनेका छन् ।

खोटाङका प्रमुख जिल्ला अधिकारी (सीडीओ) नरहरि घिमिरेलाई सरुवा गरी त्रिभुवन अन्तर्राष्ट्रिय विमानस्थल अध्यागमन कार्यालयको प्रमुख बनाइएको छ ।

खोटाङको सीडीओमा कल्पना श्रेष्ठलाई सरुवा गरिएको छ ।