काठमाण्डु – भदौ २३ र २४ गतेका घटनाबारे छानबिन गर्न बनेको जाँचबुझ आयोगले पूर्व राष्ट्रिय अनुसन्धान प्रमुख हुतराज थापामाथि लगाइएको विदेश भ्रमण प्रतिबन्ध हटाएको छ ।

आयोगको सोमबारको निर्णयअनुसार अनुसन्धानको दायरामा रहँदा थापाको विदेश यात्रा रोक्ने र आयोगको स्वीकृति बिना उपत्यका छाड्न नपाउने व्यवस्था अब हटाइएको छ ।

यसअघि मिति २०७९ असोज १२ गतेको बैठकले छानबिनको आवश्यकताका आधारमा थापालाई उपत्यका बाहिर जान तथा विदेश भ्रमण गर्न रोक लगाएको थियो । आयोगले हाल निर्णयअन्तर्गत आवश्यक प्रक्रिया पूरा भइसकेकाले प्रतिबन्ध फुकुवा गरिएको जनाएको छ ।

आयोग सचिवालयबाट प्रतिबन्ध फुकुवाको जानकारी पूर्व प्रमुख थापालाई समेत औपचारिक रूपमा पठाइएको छ ।