नेपालसंगको सम्बन्ध सधै मजबूत छ,सधैं मजबूत रहनेछ:भारतिय सेना प्रमुख नरवणे
देहरादुन – भारतिय सेनाका सेना प्रमुख एमएम नरवणेले नेपालसंगको सम्बन्ध धेरै मजबूत भएको दावी गरेका छन् । नेपाल भारतवीच सीमा विवाद बढिरहेका बेला सेनाप्रमुख नरवणेले शनिवार देहरादुनमा बोल्दै दुवै देशवीच सांस्कृतिक संम्बन्ध सधै मजबूत रहेको भन्दै भारत र नेपालबीचको सम्बन्ध सधै बलियो हुने धारणा व्यक्त गरे ।
यसअघि उनले सीमा मिचिएको भन्दै नेपालमा सुरु भएको आन्दोलनमा उत्तरी छिमेकी मुलुकको उक्साहट भएको अभिव्यक्ति दिएपछि विवादमा आएका थिए ।
उनले भने ‘हामी भौगोलिक,सांस्कृतिक,ऐतिहासिक एवंम् धार्मिक कडीबाट बांधिएका छौ,हामी दुवै देशका जनता समेत मजबूत सम्बन्धद्धारा जोडिएका छौं । हाम्रो नेपालसंगको सम्बन्ध सधै मजबूत रहंदै आएको छ । आगामी दिनमा समेत सम्बन्ध मजबूत रहन्छ ।’
नेपालले लिपुलेख,कालापानी र लिम्पियाधुरालाई समेटेर नक्सा जारी गरिसकेको छ । आजै संसदले संविधान संशोधनको विद्येयक समेत प्रतिनिधिसभावाट पारित गर्दैछ ।
उनले भारत र चीनबीच लद्दाखमा जारी गतिरोधको मामला पनि समाधान हुनेतिर अघि बढिरहेको बताएका छन् । थलसेना प्रमुखले नरवणेले चीनसंग जोडिएको सीमा क्षेत्रमा स्थिती पुरै नियन्त्रणमा रहेको बताए ।
