काठमाण्डु– वर्षाको प्रभाव कालिमाटी फलफूल तथा तरकारी बजारमा पनि परेको छ ।अघिल्लो साता सम्म सामान्य रहेको तरकारी बिहीबार देखि परेको अविरल वर्षाका कारण महँगो भएको छ । यसै क्रममा आज पार्सले र डल्ले च्याउको भाउ आइतबारको तुलनामा अकासिएको छ ।

सोमबार अधिकांश तरकारी प्रतिकिलो १०० माथि पुगेको छ । कालिमाटीमा आज पार्सले प्रतिकिलो २२६६ रुपैयाँ तोकिएको छ । हिजो भने १९०० मा किनबेच भएको थियो । यो किलोमा ३६६ रुपैयाँले बढेको हो । 

त्यस्तैगरी, डल्ले च्याउको मूल्य १२६ रुपैयाँले बढेको छ । हिजो ३०० रुपियाँमा कारोबार भएको च्याउ यसदिन बढेर ४२६ रुपैयाँ पुगेको छ ।  यसदिन हरियो धनियाँ १७ रुपैयाँ सस्तिएर ३८३, हरियो लसुन १०० रुपैयाँ सस्तिएर २७६ रुपैयाँ र रायो साग ५० रुपैयाँ सस्तिएर ९५ रुपैयाँमा कारोबार भइरहेको छ । 

अघिल्लो दिनसम्म प्रतिकिलो १२२ रुपैयाँ हाराहारी रहेको प्याज सोमबार १३५ रुपैयाँ पुगेको छ ।