काठमाण्डु – पहिलो सगरमाथा आरोहण दलको सदस्य कान्छा शेर्पाको सोमबार टेकु दोभानस्थित चिन्तामणि घाटमा अन्त्येष्टि गरिएको छ ।

कपनस्थित निवासमा ९२ वर्ष उमेरमा निधन भएका शेर्पाको पार्थिव शरीरमा शहरी विकास, ऊर्जा, जलस्रोत तथा सिँचाइ र भौतिक पूर्वाधार तथा यातायातमन्त्री कुलमान घिसिङले राष्ट्रिय झण्डा ओढाउनुका साथै सशस्त्र प्रहरी बलको एक टुकडीले अन्तिम सलामी अर्पण गरेको थियो ।

शेर्पा हालसम्म सो आरोहण दलको एक मात्र जीवित सदस्यका रूपमा थिए ।