कपनबाट १८ लाख बढी नगदसहित २१ जुवाडे पक्राउ


काठमाडौं – काठमाडौंको कपनबाट १८ लाख ९२ हजार नगदसहित २१ जना जुवाडे पक्राउ परेका छन् ।

महानगरीय प्रहरी वृत्त बौद्धको टोलीले बूढानीलकण्ठ नगरपालिका कपनस्थित नोर्बु लामाको घरमा जुवा खेलिरहेको अवस्थामा उनीहरुलाई शनिबार राति २ बजे पक्राउ गरेको वृत्तका प्रमुख प्रहरी नायब उपरीक्षक रमेशबहादुर सिंहले जानकारी दिए ।

‘ठूलो हारजित हुनेगरी जुवा खेलिरहेको अवस्थामा उनीहरुलाई पक्राउ गरेका हौं’, उनले भने । पक्राउ परेकासँग आवश्यक अनुसन्धान भइरहेको वृत्तले जनाएको छ ।

प्रतिक्रिया दिनुहोस