काठमाडौं – भारत र बंगलादेशबाट आएका २३ जना नेपालीलाई भक्तपुरको खरिपाटी क्वारेन्टाइनमा राखिएको छ ।

२३ जनामध्ये ९ जना महिला छन् । उनीहरू काँकडभिट्टाबाट बसमा काठमाडौं आएका थिए ।  नेपाली सेनाको प्रमुख सेनानी शिवप्रसाद पौडेलले उनीहरूलाई गएराति साढे नौ बजे खरिपाटीमा राखिएको जानकारी दिए ।

योसँगै खरिपाटी क्वारेन्टाइनमा ९६ जनालाई राखिएको छ । यसअघि विभिन्न देशबाट आएका ७३ जना नेपालीलाई क्वारेन्टाइनमा राखिएको थियो ।