विराटनगर – प्रदेश १ मा कोरोना भाइरस विरुद्धको खोप लगाउन सुरु गरिएको छ । भारत सरकारले अनुदानमा उपलब्ध गराएको खोप आजबाट लगाउन सुरु गरिएको हो ।

प्रधानमन्त्री केपी शर्मा ओलीले भर्चुअल माध्यमबाट खोप अभियानको सुभारम्भ गरेसँगै सामाजिक विकासमन्त्री हिक्मत कार्कीले प्रदेशमा खोप अभियान सुरु गरेका हुन् । विराटनगरको कोसी कोभिड–१९ अस्पतालमा कोसी अस्पतालका मेसु चुमनलाल दास र डा. दीपक सिग्देलले पहिलो खोप लगाएर अभियान सुरु गरिएको छ ।

प्रदेश–१ आज २८ हजार ६०५ जनालाई खोप लगाइने जनाइएको छ । खोप लगाउन मोरङमा पाँच, सुनसरीमा चार, इलाम र झापा तीन/तीन र बाँकी १० जिल्लामा एक/एक केन्द्र तोकिएको छ ।

प्रदेश–१ मा ३५ हजार ५७६ जनालाई खोप दिने सरकारको तयारी छ ।