रामेछाप – प्रतिनिधि सभा सदस्य निर्वाचनमा रामेछापबाट राष्ट्रिय स्वतन्त्र पार्टी (रास्वपा) उम्मेदवार डा. कृष्णहरि बुढाथोकी निर्वाचित भएका छन् ।

बुढाथोकीले २४ हजार ८०८ मत प्राप्त गरी निर्वाचित भएका रामेछापका मुख्य निर्वाचन अधिकृत राजेन्द्र नेपालले जानकारी दिए ।

निर्वाचनमा नेकपा एमालेका उम्मेदवार माधव ढुङ्गेलले १७ हजार ६०९ मत पाएका छन् । नेपाली कांग्रेसका रामचन्द्र खड्काले १६ हजार ३०७ मत पाएका छन् ।

नेपाली कम्युनिष्ट पार्टीका श्यामकुमार श्रेष्ठले १३ हजार ३५४ मत ल्याएका छन् ।