काठमाण्डु – त्रिकोणात्मक टि–२० सिरीज अन्तर्गत जारी मलेसियाबिरुद्धको खेलमा कुशल भुर्तेल १६ रन बनाएर आउट भएका छन् ।

पहिलो, दोश्रो र तेस्रो खेलमा लगातार अर्धसतक बनाएर किर्तिमान बनाएका भुर्तेल खेलको चौथो ओभरमा बाहिरिएका हुन् । उनी मलेसियाका मोहम्मद वफीकको हातबाट क्याचआउट भए । उनले १२ बलमा २ छक्काको मद्धतमा १६ रन जोड्न सफल भए ।

त्यस्तै नेपाली राष्ट्रिय क्रिकेट टिमका लेगस्पिनर सन्दीप लामिछानेले टी–२० मा आफ्नो सय खेल पूरा गरेका छन् । उनले जारी मलेसियाविरूद्धको खेलमार्फत टी–२० मा सय खेल पूरा गरेका हुन् ।

योसँगै सन्दीप नेपालका लागि सय टी–२० खेल्ने पहिलो खेलाडी बनेका छन् । टेस्ट राष्ट्रको फ्रेञ्चाइज टी–२० लिगका खेल र टी–२० अन्तर्राष्ट्रिय खेललाई टी–२० को मान्यता हुन्छ ।