काठमाण्डु – नेकपा माओवादी केन्द्रका केन्द्रीय सदस्य लक्ष्मण पन्तले टिकटक बन्द गर्ने सरकारको निर्णय तालिवानी मानसिकताको उपज भएको ठोकुवा गरेका छन् ।

माओवादी निकट इटर्नी नेपालका इन्चार्ज समेत रहेका उनले सामाजिक सञ्जालमार्फत अभिव्यक्ति दिँदै टिकटक बन्द गरेर इण्डो–अमेरिकन लबी खुशी भए पनि सारमा तालिवानी मानसिकताको उपज भएको बताए ।

उनले भनेका छन्, ‘टिकटक बन्द गरेर इण्डो–अमेरिकन लबी त खुशी होला तर यो तालिवानी मानसिकताको उपज हो । सामाजिक राजनीतिक जीवनका कुन क्षेत्रमा विकृति छैन ? के सबै बन्द गरिदिन सम्भव छ श्रीमान् सरकार ?’