एजेन्सी – युरोपेली सङ्घ (ईयू)का विदेश नीति प्रमुख जोसेप बोरेलले रूसी आक्रमणको प्रतिकार गर्न युक्रेनलाई लामो दूरीका हतियार उपलब्ध गराउन युरोपेली राष्ट्रहरूलाई आह्वान गरेका छन्।

‘रूसीहरूले टाढाबाट बम बारी गरिरहेका छन्, त्यसैले युक्रेनीहरूसँग ’उही दूरी, उही दायरा’ मा पुग्न सक्ने क्षमता हुनुपर्दछ,’ युक्रेनका विदेशमन्त्री दिमित्रो कुलेबासँग स्टकहोममा भएको भेटपछि बोरेलले भने। जर्मनीले युक्रेनका लागि दुई अर्ब ७० करोड युरो (दुई अर्ब ९५ करोड अमेरिकी डलर) बराबरको नयाँ हतियार प्याकेज घोषणा गरेसँगै उहाँले भने, ‘तर हामीले गति लिनुपर्छ।’

‘म जर्मनीको प्रयासको स्वागत गर्दछु र सबै सदस्य राष्ट्रहरूलाई यस उदाहरणलाई अनुसरण गर्न आमन्त्रण गर्दछु,’ बोरेलले भने। बिहीबार बेलायतले युक्रेनमा आफ्नो स्टॉर्म स्याडो क्षेप्यास्त्र पठाउने घोषणा गरेको थियो र कीभलाई लामो दूरीका हतियार उपलब्ध गराउने पहिलो देश बनेको थियो।

युक्रेनका राष्ट्रपति भोलोदिमिर जेलेन्स्कीले पूर्वी युक्रेनमा रूसी सेनाविरुद्ध व्यापक रूपमा अपेक्षित प्रतिआक्रमण अघि पश्चिमी मित्रराष्ट्रहरूलाई थप उन्नत हतियार उपलब्ध गराउन आग्रह गर्दै आएका छन्।

‘प्रतिआक्रमण कहिले सुरु हुन्छ भनेर सोध्नुको सट्टामा के युक्रेनी प्रति–आक्रमण सुरु गर्न र सफल बनाउन आफुले पर्याप्त सहयोग गरेको छु भन्ने सोच्नु अनिवार्यै भएको छ,’ कुलेबाले बोरेलसँगको पत्रकार सम्मेलनमा भनेका थिए।

‘ईयूका विदेशमन्त्रीहरूसँग आज मेरो कुराकानीको मुख्य विषय लामो दूरीको तोपखाना गोलाबारुद र छोटो दूरीको प्रवेश वार्ता हुनेछ,’ कुलेबाले भने। जेलेन्स्कीले फेब्रुअरी २०२२ मा रूसले युक्रेनविरूद्ध आक्रमण थालेपछि युक्रेनका लागि ईयू सदस्यताका लागि औपचारिक वार्ताको प्रक्रियालाई तीव्रता दिन खोजिरहेका छन्।