काठमाण्डु – नेकपा एमालेका वरिष्ठ नेता माधवकुमार नेपालले आफू निकट सांसदहरुसँगको छलफल जारी राखेका छन् ।

नेता नेपालले बुधबार बानेश्वरस्थित एक बैंक्वेटमा आफू पक्षका सांसदहरुसँग छलफल गरेका हुन् । नेता नेपालसहित २२ जना सांसदहरुले प्रधानमन्त्री शेरबहादुर देउवालाई विश्वासको मत दिएका थिए ।

आजको बैठक देउवा नेतृत्वको सरकारमा जाने वा नजाने भन्ने विषयमा केन्द्रीत रहेको बताइएको छ । आज बिहान बालुवाटारमा भएको गठबन्धनको बैठकले शुक्रबारसम्म मन्त्रिमण्डल विस्तार गरिसक्ने निर्णय गरेको थियो । सोही बमोजिम दलहरुले आन्तरिक छलफललाई तिव्र बनाएका छन् ।