भ्रष्टाचारविरुद्ध माइतीघर मण्डलामा प्रदर्शन
काठमाण्डु – माइतीघर मण्डलामा भ्रष्टाचारविरुद्ध खबरदारी प्रदर्शन गरिएको छ। नक्कली भुटानी शरणार्थी प्रकरणका दोषीलाई कारबाहीको माग गर्दै शनिबार काठमाडौंको माइतीघर मण्डलामा भ्रष्टाचार विरुद्ध प्रदर्शन गरिएको हो।
भ्रष्टाचारीलाई कारबाहीको माग गर्दै युवाहरुले गीत,कविता र साहित्य वाचनमार्फत विरोध गरिरहेका छन्। प्रदर्शनकारीले भ्रष्टाचार सहन्नौं,भ्रष्टाचारीलाई कारगार,अर्थतन्त्र मन्द छ, भ्रष्टाचारको धन्दा छ जस्ता नारा लगाएका छन्।
उनीहरूले टोपबहादुर हो कि टापबहादुर, भन्नेछौँ हामी बारम्बार भ्रष्टाचारीलाई कारागार, करोडौँ पर्ने बंगला तिमीलाई कसले किन्दियो ? लगायत नारा लेखिएका प्लेकार्ड बोकेका छन् ।
