काठमाडौँ – नेपाल राष्ट्र बैंकले आगामी सोमबार मौद्रिक नीति समीक्षा सार्वजनिक गर्ने तयारी गरेको छ। त्यसका लागि केन्द्रीय बैंकले नीति सार्वजनिक गर्नुअघि सोही दिन संचालक समितिको बैठक बोलाएको छ।

प्रधानमन्त्री सुशिला कार्कीको नेतृत्वमा सरकार गठन भएपछि राष्ट्र बैंकले पहिलोपटक मौद्रिक नीति ल्याउन लागेको हो। मौद्रिक नीति सार्वजनिक गर्नु अघि गभर्नर विश्व पौडेलले सरोकारवाला निकायका प्रतिनिधि र अर्थमन्त्री रामेश्वर खनालसँग विभिन्न चरणमा परामर्श गरिसकेका छन्।

यो वर्षको मौद्रिक नीतिमा लघुवित्त संस्थाहरूलाई लाभांश वितरण गर्ने व्यवस्थाको पुनरावलोकन गर्ने र बैंकहरूको सेयर खरिद–बिक्रीमा राखिएको सीमा समेत हटाउने तयारी भएको स्रोतले जनाएको छ ।