काठमाण्डु – हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ। मनसुनको न्यून चापीय रेखा सरदर स्थानको उत्तरतर्फ नेपालको तराईमा अवस्थित छ।

मौसम पूर्वानुमान महाशाखाका अनुसार कोशी र सुदूरपश्चिम प्रदेशमा भारी वर्षाको सम्भावना छ, जसले जनजीवनमा असर पार्न सक्छ।

महाशाखाले दैनिक जनजीवन, स्वास्थ्य, सडक र हवाई यातायातमा पर्न सक्ने प्रभावबारे सतर्क रहन आग्रह गरेको छ। हाल देशभर मनसुनी वायुको प्रभाव छ। मनसुनको न्यून चापीय रेखा सरदर स्थानको उत्तरतर्फ नेपालको तराईमा अवस्थित छ।

यसको प्रभावले कर्णाली र सुदूरपश्चिम प्रदेशलगायत देशको पहाडी भूभागमा अधिकांश बदली छ र बाँकी भूभागमा सामान्यतया बदली छ।

मधेस प्रदेशका एक–दुई स्थानमा र बाँकी प्रदेशका थोरै स्थानमा मध्यम वर्षा भइरहेको छ। बुधबार दिउँसो कोशी, लुम्बिनी, कर्णाली र सुदूरपश्चिम प्रदेशलगायत देशको पहाडी भूभागमा अधिकांश बदली रहनेछ र बाँकी भूभागमा सामान्यतया बदली रहनेछ।

लुम्बिनी, कर्णाली र सुदूरपश्चिम प्रदेशलगायत कोशी प्रदेशको पहाडी भूभागका केही स्थानमा र बाँकी भूभागका थोरै स्थानमा मध्यम वर्षाको सम्भावना छ। कोशी र सुदूरपश्चिम प्रदेशका एक–दुई स्थानमा भारी वर्षाको पनि सम्भावना छ।

यस्तै राति देशभर सामान्यतया बदली रहनेछ। कोशी र मधेस प्रदेशका केही स्थानमा, बागमती, गण्डकी र सुदूरपश्चिम प्रदेशका थोरै स्थानमा र बाँकी प्रदेशका एक–दुई स्थानमा मध्यम वर्षाको सम्भावना छ।

कोशी प्रदेशको एक–दुई स्थानमा भारी वर्षाको पनि सम्भावना छ। देशभर मनसुन सक्रिय छ र कोशी र सुदूरपश्चिम प्रदेशमा भारी वर्षाको सम्भावना छ, जसले दैनिक जनजीवन, स्वास्थ्य, सडक र हवाई यातायातमा प्रभाव पार्न सक्छ। त्यसैले आवश्यक सतर्कता अपनाउन महाशाखाले अनुरोध गरेको छ।