गोरखा – नेपाली कम्युनिष्ट पार्टी (नेकपा) वरिष्ठ नेता नारायणकाजी श्रेष्ठ आसन्न प्रतिनिधिसभा सदस्य निर्वाचनमा पुर्ख्यौली क्षेत्र ललितपुर क्षेत्र नम्बर ३ बाट उम्मेदवार बन्ने तयारीमा लागेका छन् ।

राष्ट्रियसभा सदस्य रहेका श्रेष्ठको केही दिनमा पदावधि सकिँदैछ । त्यसलगत्तै हुन लागेको चुनावका लागि उनले चुनावी मैदानमा उत्रिने तयारी गरेका छन् ।

आसन्न चुनावका लागि गोरखा–२, ललितपुर–३ र सर्लाही–३ बाट श्रेष्ठको नाम सिफारिस भए पनि उनले ललितपुरलाई रोज्ने सम्भावना रहेको स्रोतले जनाएको छ ।

श्रेष्ठको परिवार विगत २५ वर्षदेखि पाटनको चाकुपाट क्षेत्रमा नियमित रूपमा कुलपूजा गर्दै आएको र उनी पनि विगत ४५ वर्षदेखि पाटनमै बसोबास गर्दै आएका छन् ।