अयोध्याबाट नरेन्द्र मोदीले यसरी सम्झिए नेपाल


एजेन्सी – भारतीय प्रधानमन्त्री नरेन्द्र मोदीले भारतीय जनताहरूको शान्तिमय व्यवहारको प्रशंसा गरेका छन् ।

बुधबार उत्तर प्रदेशस्थित राम मन्दिर निर्माणका लागि शिलान्याश समारोहलाई सम्बोधन गर्दै प्रधानमन्त्री मोदीले राम हरेक ठाउँमा रहेको बताए ।

‘भारतको दर्शन-आस्था–आदर्श–दिव्यतामा राम छन् । भगवान बुद्ध–जैन धर्म पनि रामसँग जोडिएको छ । देशका हरेक राज्यमा अलग अलग रुपमा रामलाई सम्झिने गरेका छन् । राम सबै ठाउँमा छन्, सबैमा छन् । विश्वकै धेरै मुस्लिम जनसंख्या भएको इण्डोनेशियामा पनि राम पाठ हुन्छ । कम्बोडिया, श्रीलंका, चीन, इरान र नेपालसमेत विश्वका धेरै देशमा रामको नाम लिइन्छ,’ मोदीले भने ।

उनले भने, ‘जब राम जन्मभूमिको विषयमा अदालतले निर्णय दियो तब सबै देशवासीहरूले शान्त र मर्यादाका साथ व्यवहार गरे । आज, कोरोनाको भूमि पूजनको युगमा पनि हामीले त्यस्तै गरिमा देखिरहेका छौं ।’

त्यस्तै उनले रामको मन्दिर संस्कृतिको आधुनिक प्रतीक बन्ने र यसले नयाँ पीढीलाई अभ्यास र संकल्पको लागि प्रेरणा दिने बताए ।

प्रधानमन्त्रीले भने, ‘श्री रामको मन्दिर हाम्रो संस्कृतिको आधुनिक प्रतीक बन्नेछ। हाम्रो अनन्त विश्वासको प्रतीक बन्नेछ । यो मन्दिर लाखौं मानिसहरुको सामूहिक शक्तिको प्रतीक पनि हुनेछ ।’

प्रधानमन्त्री मोदीले भगवान रामले पनि डर बिना प्रेम नै नहुने विश्वास गर्ने बताएका छन् । ‘त्यसैले हाम्रो देश जति शक्तिशाली छ, हामी त्यति नै सुरक्षित र भयमुक्त हुनेछौं’, उनले भने ।

उनले मानिसहरूलाई कोरोना युगको दौडान श्रीरामको मर्यादाको मार्ग अनुसरण गर्न अपील गरे । उनले मानिसहरूलाई मास्क लगाउन र शारीरिक दूरी कायम राख्न अपिल गरेका छन् ।

‘राम विविधतामा एकताको प्रतीक हुन् । सबै रामका हुन्, राम सबैका हुन्, तुलसीको राम सगुन हुन् । नानक र कबीरको राम निर्गुण राम हुन् । महात्मा गान्धीका रघुपति राम स्वतन्त्रताको लडाईमा छन्’, उनले भने ।

प्रधानमन्त्री मोदीले मन्दिरले आउँदो पिढीलाई आस्था श्रद्धा र संकल्पको प्रेरणा दिने उल्लेख गरेका छन् ।

‘मन्दिरले यो क्षेत्रको अर्थतन्त्र पनि बदलिनेछ । हरेक क्षेत्रमा अवसर बदलिनेछ । विश्वबाट राम र जानकीको दर्शन गर्न मानिसहरु आउनेछ,’ उनले भने ।

प्रतिक्रिया दिनुहोस