काठमाण्डु – नेपाल कम्युनिष्ट पार्टी विप्लव र नेकपा माओवादी केन्द्रबीच ३ बुँदे सहमति भएको छ । फागुन २९ गते बसेको संयुक्त बैठकमा दुई पार्टीबीच सहमति भएको छ ।

बैठकमा दलाल पुँजीवादी सत्ताका विरुद्ध वैज्ञानिक समाजवादी व्यवस्था निर्माणार्थ संयुक्त रुपमा सहकार्य गर्ने, क्रान्तिकारीहरुबीच एकताको लक्ष्य राखी संघर्षमा सहकार्य गर्ने र यो प्रक्रियामा अन्य क्रान्तिकारी पार्टीहरुलाई पनि सहभागि गराउने सहमति भएकाे हो ।

दुई पार्टीले आज एक संयुक्त विज्ञप्ति जारी गर्दै यसबारेमा जानकारी दिएको छ । सरकारले विप्लव नेतृत्वको नेकपालाई प्रतिवन्ध लगाएपछि दुई वर्षदेखि भूमिगत रहेका विप्लव फागुन २३ गते सार्वजनिक भएका थिए ।