काठमाण्डु– शेयरधनीलाई वितरण भएको लाभांश फिर्ता दिन अर्थमन्त्रालयले निर्देशन दिएपछि नेपाल बैंकका अध्यक्ष बासुदेव अधिकारीले राजीनामा दिएका छन् ।

बैंकको साधारणसभाले पारित गरेर शेयरधनीलाई वितरण गरिसकिएको लाभांश फिर्ता लिन अर्थ मन्त्रालयले निर्देशन दिएपछि उनले आफ्नो नैतिकताले त्यसो गर्न नसक्ने भन्दै राजीनामा दिएका हुन् ।

नेपाल बैंकले आर्थिक वर्ष ७६/७७ को लागि १२ प्रतिशत बोनस र ४ प्रतिशत नगद गरि कुल १६ प्रतिशत लाभांश साधारणसभाबाट पारित गरेको थियो ।

अर्थले घटाएर १० प्रतिशत हाराहारी कायम गर्न निर्देशन दिएको थियो । तर, उनले आफुले त्यसो गर्न नसक्ने भन्दै माघ ५ गते नै अर्थमन्त्री विष्णु पौडेललाई राजीनामा दिएका हुन् ।

साधारणसभाले पारित गरिसकेको अवस्थामा आफुले लाभांश घटाउन नसक्ने उनको तर्क छ। बैंकले दिने लाभांश प्रस्ताव गर्दा अर्थमन्त्रालयसंग समेत छलफल भएको उनको भनाई छ ।