काठमाण्डु – नेपाल आयल निगमले पेट्रोलियम पदार्थको मूल्य बढाएको छ । निगमले पेट्रोल, डिजेल र मट्टितेलको मूल्य २÷२ रुपैयाँले बढाएको हो ।

यस्तै खाना पकाउने एलपी ग्यासको मूल्य पनि बढेको छ । एलपी ग्यास प्रतिसिलिन्डर २५ रुपैयाँले महँगिएर प्रति सिलिन्डर १ हजार ४ सय रुपैयाँ पुगेको हो ।

यसअघि खाना पकाउने ग्यासको मूलय १३ सय ७५ रुपैयाँ रहेको थियो । एक वर्षपछि २५ रुपैयाँ बढेको हो ।

पेट्रोलियम पदार्थको मूल्य बढाए पनि अझै घाटामा रहेको निगमले जनाएको छ । निगमले डिजेलमा प्रतिलिटर ३.०१, पेट्रोल ५.१६ रुपैयाँ र एलपी ग्यासमा प्रति सिलिन्डर २९५.८३ रुपैयाँ घाटा रहेको निगमले जनाएको छ ।

अन्तराष्ट्रिय बजारमा मूल्य बढेसँगै नेपाली बजारमा पनि मूल्य बढाउनु परेको निगमले जनाएको छ । बढेको पेट्रोलियम पदार्थको मूल्य बुधबार राती १२ बजेदेखि लागु हुने निगमले जनाएको छ ।