अन्तरास्ट्रिय ब्रेकिंग न्युज

नेपालमा समातिएका व्यक्ति छुटाउन आफन्तले सुस्मा स्वराजलाई गुहारे

एजेन्सी – गत वैशाख २७ गते राति ११ बजे काठमाडौंको याक एण्ड यति होटलमा पक्राउ परेका भारतीय नागरिकका आफन्तले उनीहरुलाई छुटाउन भारतको विदेश मन्त्रालयलाई गुहारेका छन् ।

Dish Home

हिन्दुस्तान टाइम्सले पक्राउ परेकाहरु भारतको लखनउ, वाराणसी, प्रयागराज, सोनभद्रालगायतका क्षेत्रका भएको जनाएको छ । उनीहरु लखनउ र अलाहबादमा रहेका निजी रियल स्टेट कम्पनीमा आवद्ध रहेको जनाइएको छ ।

‘हामीले विस्तृत रुपमा मन्त्रालयलाई लेखेका छौं । यस्तै संघीय विदेशमन्त्री सुष्मा स्वराजलाई पनि भनेका छौं । हामीले हाम्रा मानिसहरु फिर्ता ल्याउनका लागि मन्त्रालयको हस्तक्षेप चाहेका छौं,’ पक्राउ परेका गजेन्द्र सिंहका दाजु देवेन्द्र सिंहले भने । नेपाल प्रहरीको हिरासतमा रहेका अन्यमा एके सिंह, कसिफ सकिल, मोहम्मद सर्जिल, रमेश राम, सुनिल उपाध्याय, निरज कुमार मिश्र, अशोक कुमार, आयुष उपाध्याय, गिरिश उपाध्याय र विजनेश ग्रुपका मालिक रशि नसिम रहेका छन् ।

परिवारका सदस्यहरु सोमबार विदेश मन्त्रालयमा जाने तयारीमा रहेको बताइएको छ । उनीहरु तीन दिने विजनेश कार्यशालामा भाग लिन जाने क्रममा नेपाल प्रहरीद्वारा पक्राउ परेको जनाइएको छ ।

एक जना नेपालका नागरिक महेन्द्र सिंह सोही कार्यक्रममा रहेको र उनी विरुद्ध परेको उजुरीको आधारमा भारतीयलाई पनि पक्राउ गरिएको देवेन्द्रले बताएका छन् ।

देवेन्द्रले स्थानीय अदालतमा समेत सम्पर्क गरेको जनाएका छन् । महेन्द्र सिंहलाई मात्रै जिम्मेबार मान्नुपर्ने र अरुलाई कारवाही गर्न नमिल्ने उनको दाबी रहेको छ । रशिद नसिमका दाजु असिफ नसिमले विदेश मन्त्रालयलाई पठाएको पत्रमा तत्काल हस्तक्षेप गर्न भनिएको छ ।

यता काठमाडौं प्रहरीले नेटवर्किङ ठगीमा पक्राउ गरेको जनाएको छ । काठमाडौं प्रहरी प्रमुख उत्तम सुवेदीले अनुसार वैशाख २७ गते शुक्रबार काठमाडौंको दरबारमार्गस्थित होटल याक एण्ड यतीमा भारतीय नागरिकहरुले गैरकानुनी रुपमा नेटवर्किङ व्यवसाय गरिरहेको र त्यसमा नेपालीहरुको पनि सहभागिता रहेको भन्ने विशेष सूचनाको आधारमा महानगरीय प्रहरी परिसर काठमाडौंबाट खटिएको टोलीले पक्राउ गरेको बताएका छन् ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top