काठमाण्डु – १४ औं महाधिवेशनबारे छलफल गर्न नेपाली काँग्रेसले केन्द्रीय कार्यसमितिको बैठक बोलाएको छ । काँग्रेस मुख्यसचिव कृष्ण प्रसाद पौडेलले कात्तिक २८ गते आइतवार दिउँसो १ बजेका लागि केन्द्रीय कार्यसमितिको बैठक बोलाइएको जानकारी दिए ।

बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित केन्द्रीय सदस्यहरुको उपस्थितिका रहनेछ । बैठकमा पार्टीको आसन्न महाधिवेशनका विषयमा केन्द्रीत रहेर छलफल हुने बताइएको छ ।

कांग्रेसको १४ औँ महाधिवेशन मंसिर २४ देखि २६ गतेसम्म काठमाण्डुमा हुने गरी मिति घोषणा गरिएको छ ।