काठमाण्डु – लुम्बिनी लायन्स नेपाल प्रिमियर लिग (एनपीएल) अन्तर्गत प्लेअफमा प्रवेश गरेको छ ।

शुक्रबार भएको खेलमा लुम्बिनी लायन्सले जनकपुर बोल्ट्सलाई पराजित गरेसँगै प्लेअफमा पुगेको हो ।

लुम्बिनीसहित विराटनगर किंग्स, काठमाण्डु गोर्खाज र सुदूरपश्चिम रोयल्स प्लेअफमा पुगेका छन् ।

जनकपुर बोल्ट्स, पोखरा एभेन्जर्स, कर्णाली याक्स र चितवन राइनोजको भने प्लेअफमा पुग्ने सम्भावना समाप्त भएको छ ।

प्लेअफमा पुगेको सुदूरपश्चिम रोयल्स हाल १२ अंकसहित शीर्ष स्थानमा छ ।