काटमाण्डु – दोस्रो संस्करणको सिद्धार्थ बैंक नेपाल प्रिमियर लिग (एनपिएल) सोमबारदेखि कीर्तिपुरस्थित त्रिवि अन्तर्राष्ट्रिय क्रिकेट रंगशालामा सुरू हुँदैछ।

आठ फ्रेञ्चाइज टोलीले भाग लिने प्रतियोगिताका खेलहरू यसपटकदेखि फ्लडलाइटमा हुनेछन्।

फ्लडलाइटमा हुने खेल दिउँस ४ बजे सुरु हुनेछन्। दिउँस हुने खेल पौने १२ बजे हुनेछन्। ३२ खेलमध्ये २३ खेल राति हुने तय छ। सोमबार उद्घाटन खेलमा साविक विजेता जनकपुर बोल्ट् र काठमान्डु गोर्खाजबीच दिउँस ४ बजे भिड्नेछन्।

लिगको अन्तिम तयारी पूरा भएको छ भने फ्रेञ्चाइज टोलीले विदेशी खेलाडी भित्र्याउन प्रक्रिया लगभग सकेका छन्।

एक टोलीमा ११ नेपाली खेलाडी हुनेछन्। जसमा एक जना आइकोनिक खेलाडी हुनेछन्। यस्तै टोलीले कम्तिमा ४ र बढीमा ६ जना विदेशी खेलाडी राख्न पार्नेछन्। यो हिसाबले एनपिएलमा कम्तिमा १२० र बढीमा १३६ जना खेलाडी सहभागी हुनेछन्।

१) विराटनगर किंग्स

विराटनगर किंग्सका कप्तान सन्दीप लामिछाने हुन्। यस टोलीमा रहेका खेलाडीहरूमा सन्दीप लामिछाने (कप्तान), बसिर अहमद, लोकेश बम, सुवास भण्डारी, नरेन भट्ट, मार्चेन्ट डी लाङ, फाप डु प्लेसिस, मार्टिन गप्टिल, प्रतीश जीसी, साम हेजलेट, नारायण जोशी, श्रावण किस्कु, जर्ज मुन्से, आयुष न्यौपाने, साहिल पटेल (विकेटकिपर), शङ्कर राना, शुभम रञ्जने र सूर्य तामाङ छन्।

२) जनकपुर बोल्ट्स

जनकपुर बोल्ट्सका कप्तान अनिल साह (विकेटकिपर) हुन्। टोलीमा अनिल साह (कप्तान तथा विकेटकिपर), विकास आग्री, सचिन भट्ट, शुभ कंसाकार, सञ्जय कृष्णमूर्ति, निकोल लोफ्टी(ईटन, आदित्य महाता, किशोर महतो, लाहिरु मिलन्था , वायन पार्नेल, ललित राजवंशी, लाहिरु समरकून, आसिफ शेख, रुपेश सिंह, इमरान ताहिर र मयन यादव छन्।

३) चितवन राइनोज

चितवन राइनोजको कप्तानी कुशल मल्लले गर्नेछन्। यस टोलीमा कुशल मल्ल (कप्तान), विपिन आचार्य, कमल सिंह ऐरी, दीपक बोहरा, रवि बोपारा, रिजन ढकाल, सौगात ढकाल, गौतम केसी, देव खनाल, रञ्जित कुमार, डेविड मलान, अल्पेश रामजानी, अमरसिं रटेउला, विपिन रावल (विकेटकिपर), अर्जुन साउद, सोहेल तनवीर र सैफ जैब समावेश छन्।

४) काठमाडौं गोर्खाज

काठमाडौं गोर्खाजका कप्तान करण केसी हुन्। टोलीमा करण केसी (कप्तान), मोहम्मद आदिल आलम, शाहब आलम, बेन चार्ल्सवर्थ, गेरहार्ड इरासमस, दीपेश कँडेल, मिलिन्द कुमार, राशिद खान, उत्तम मगर (विकेटकिपर), सन्नी पटेल, नटराजन शाह, भीम शर्की, जोन सिम्पसन, प्रतीक श्रेष्ठ, आकाश त्रिपाठी, तुल बहादुर थापा, रिकार्डो भास्कोनसेलोस र सन्तोष यादव समावेश छन्।

५) पोखरा एभेन्जर्स

पोखरा एभेन्जर्सको कप्तानी कुशल भुर्तेलले गर्नेछन्। टोलीका खेलाडीहरूमा कुशल भुर्तेल (कप्तान), आकाश चन्द, सन्दीप क्षेत्री, त्रित राज दास, डान डाउथवेट, सागर ढकाल, दिनेश खरेल, विपिन खत्री, अर्जुन कुमाल, जेम्स नीशम, कृष्ण पौडेल, रेमन राइफर, एडम रोसिङ्टन, जेसन रोय, किरण ठगुन्ना र अभिषेक तिवारी छन्।

६) लुम्बिनी लायन्स

लुम्बिनी लायन्सको कप्तानको जिम्मेवारी रोहित पौडेलले सम्हालेका छन्। यस टोलीमा रोहित पौडेल (कप्तान), दिनेश अधिकारी, समीर अली, तिलक भण्डारी, थोमस ड्राका, अभिषेश गौतम, दुर्गेश गुप्ता, सन्दीप जोरा, आदिल खान, सुमित महर्जन, शेर मल्ल, गुलबदीन नाइब, दिलीप नाथ, विशाल पटेल, डार्सी सर्ट, जेजे स्मिथ र रुबेन ट्रम्पलम्यान छन्।

७) कर्णाली याक्स

कर्णाली याक्सको नेतृत्व सोमपाल कामीले गर्नेछन्। खेलाडीहरूमा सोमपाल कामी (कप्तान), विल बोसिस्टो, दीपक डुम्रे, अर्जुन घर्ती, गुलसन झा, युवराज खत्री, जयकिशन कोलसावाला, म्याक्स ओुडाउड, प्रियांक पञ्चाल, दीपेन्द्र रावत, पवन सर्राफ, विपिन शर्मा, इमरान शेख, युनिश ठकुरी, मार्क वाट, नन्दन यादव, र नाजिबउल्लाह जद्रान रहेका छन्।

८) सुदूरपश्चिम रोयल्स
सुदूरपश्चिम रोयल्सको नेतृत्व दीपेन्द्र सिह ऐरीले गर्नेछन्। यस टोलीमा दीपेन्द्र सिंह ऐरी (कप्तान), विनोद भण्डारी, अविनाश बोहरा, दीपक बोहरा, मिलन बोहरा, जोश ब्राउन, हेमन्त धामी, स्कट कुगेइलिन, क्रिस लिन, हिम्मत महरा, ईशान पाण्डे, टेक रावत, नरेन साउद, हर्मीत सिंह, आरिफ शेख,र दीपेन्द्र थापा रहेका छन्।