भारतकाे सर्वोच्च अदालतले भन्याे- पन्जाबमा पराल जलाउन बन्द गर
एजेन्सी – दिल्लीमा लगातार बिग्रँदै गएको हावा र प्रदूषणको बढ्दो स्तरबारे टिप्पणी गर्दै सर्वोच्च अदालतले ‘यो जनताको स्वास्थ्यको हत्या हो’ भनेको छ।
अदालतले हरेक जाडो मौसममा दिल्लीमा प्रदूषण बढ्नुको कारण छिमेकी राज्य हरियाणा र पञ्जाबमा बालीको अवशेष जलाउनु रहेको बताएको छ। सर्वोच्च अदालतले पञ्जाब सरकारलाई पराल जलाउने घटना रोक्नको लागि कदम चाल्न भनेको छ।
सर्वोच्च अदालतले भन्यो, “हामी यसलाई रोक्न चाहन्छौं। हामीलाई थाहा छैन यो कसरी गर्नुहुनेछ, तर त्यो पञ्जाब सरकारको काम हो। यो रोक्नुपर्छ। तुरुन्तै केही गर्नुपर्छ।”
अब यस विषयमा अर्को शुक्रबार सुनुवाइ हुनेछ । सर्वोच्च अदालतले केन्द्र सरकारलाई उत्तर प्रदेश, हरियाणा, राजस्थान, पञ्जाब र दिल्लीसँग बैठक गरेर पराल जलाउने उपायबारे छलफल गर्न भनेको छ।
अदालतले सवारी साधनबाट निस्कने धुवाँमा पनि ध्यान दिने बताएको छ । गाडीबाट निस्कने धुवाँ पनि दिल्लीमा प्रदूषणको प्रमुख कारण हो।
पछिल्लो केही दिनयता दिल्लीमा प्रदूषण तीव्र गतिमा बढेको छ । दिल्लीका धेरै क्षेत्रहरूमा वायु गुणस्तर सूचकांक ४०० माथि छ। दिल्ली अहिले विश्वको सबैभन्दा प्रदूषित सहर हो ।
बिग्रिएको हावाको गुणस्तर सम्बन्धी मुद्दाको सुनुवाइ गर्दै अदालतले भन्यो, “दिल्ली यसरी चल्न सक्दैन।” अदालतले स्थानीय प्रहरी थानाका एसएचओहरू पराल जलाउन रोक्नको लागि अदालतको दिशानिर्देश लागू गर्न जिम्मेवार हुनेछ र डीजीपी र मुख्य सचिवको निर्देशनमा काम गर्नेछ।
