काठमाण्डु- प्रधानमन्त्री पुष्पकमल दाहाल प्रचण्डले सभामुख देवराज घिमिरेसँग टेलिफोन मार्फत कुराकानी गरेका छन् । आजको संसद बैठक बस्नु अघि प्रधानमन्त्री प्रचण्डले सभामुखलाई केहीबेर बैठक ढिला गर्न आग्रह गरेका हुन् ।

नेपाली कांग्रेसले गृहमन्त्री रवि लामिछानेमाथि सहकारी ठगी प्रकरणमा छानबिन गर्न संसदिय समिति नबनाएसम्म संसद चल्न नदिने अडान राखेको छ ।

गृहमन्त्री लामिछानेले आफूलाई संसदमा बोल्न दिएमात्र संसदीय छानबिन समिति गठनबारे छलफल गर्न सकिने बताएका छन् । यसैबीच आज ११ बजे संसद बैठक बोलाइएकोमा बैठक ढिला गर्न प्रचण्डले सभामुखलाई आग्रह गरेका हुन् । उनले आजको बैठकमा नै गृहमन्त्रीलाई बोल्ने गरी वातावरण निर्माण गरिरहेको जानकारी दिए ।