पोखरा-पोखरामा आज विद्यार्थी बोकेको स्कुल बस दुर्घटनामा परेको छ ।

विद्यार्थी लिएर फर्कँदै गरेको एलपी देवकोटा मेमेरियल स्कुलको बस पोखरा–१७, फुस्रेखोलानेर पल्टिएको वैदाम प्रहरी प्रमुख डीएसपी राजेन्द्रकुमार श्रेष्ठले जानकारी दिए । दुर्घटनामा एक बालिकाको मृत्यु भएको छ । उनको परिचय भने खुलिसकेको छैन।

बसमा चालक र सहचालक गरी २४ जना सवार रहेको र तीमध्ये केही गम्भीर घाइते भएको प्रहरीको भनाइ छ ।

उनीहरूको पश्चिमाञ्चल क्षेत्रीय अस्पताल र गण्डकी मेडिकल कलेजमा उपचार भइरहेको प्रहरीले जनाएको छ ।