काठमाडौं– गृहमन्त्रालयले प्रहरी नायव महानिरीक्षक (डिआइजी)हरुको सरुवा तथा पदस्थापन गरेको छ। प्रहरी प्रधान कार्यालयको सिफारीस मन्त्रालयले ११ जना डिआईजीको पदस्थापन गरेको हो । 

प्रहरी प्रवक्ताको जिम्मेवारीमा रहेका डिआइजी शैलेस थापा महानगरीय प्रहरी कार्यालय, अर्का डिआईजी निरज शाही, केन्द्रीय अनुसन्धान ब्यूरो (सिआइबी), ठाकुर ज्ञवाली अख्तियार दुरुपयोग अनुसन्धान आयोग र दिनेश अमात्यलाई लागुऔषध ब्यूरोमा जिम्मेवारी दिइएको छ । 

त्यसैगरी  विशेष ब्यूरोमा कमल जिटी, एकेडेमीमा प्रध्युम्न कार्की, त्रिभुवन विमानस्थलमा शेरबहादुर बस्नेत, प्रदेश नम्बर २ मा हरि पाल, प्रदेश नम्बर ५ मा पिताम्बर अधिकारी, प्रबन्धमा नारायणसिंह खड्का र प्रहरी महानिरीक्षकको सचिवालयमा बिनोद शर्मा घिमिरेलाई जिम्मेवारी दिइएको छ ।  

त्यसैगरी नेपाल प्रहरीको प्रवक्ताको जिम्मेवारी प्रहरी वरिष्ट उपरीक्षक (एसएसपी) उत्तम राज सुवेदीलाई दिइएको छ । सुवेदी नेपाल प्रहरीका क्षमतावान अधिकृतका रुपमा मानिन्छन् । उनि अपराध अनुसन्धानमा अव्वल अधिकारीका रुपमा चिनिन्छन् ।