रौतहट-  नेकपा एमालेका नेता प्रभु शाहले स्वतन्त्र उम्मेदवारी दिएका छन् । एमालेले उनलाई टिकट दिएको भएपनि शाहले जसपासंगको तालमेलप्रति असन्तुष्टि जनाउंदै आफुसहित उनको सिंगो टिमले स्वतन्त्र उम्मेदवारी दिएको जनाएका छन् ।

शाहले रौतहट ३ बाट बागी उम्मेदवारी दर्ता गराएका हुन् । उनको समुहले एमालेले उम्मेदवार दिएका ठाउंमा उम्मेदवारी नदिएपनि जनता समाजवादी पार्टीको भागमा परेका सबै क्षेत्रमा स्वतन्त्र उम्मेदवारी दिएको छ ।

एमालेले शाह निकट नेताहरुलाई टिकट नदिएको भन्दै उनि असन्तुष्ट थिए । त्यससमाथि जसपासंगको तालमेलबाट समेत उनि असन्तुष्ट छन् ।

पूर्व मन्त्री शाहले जसपालाई दिइएको १६ वटै क्षेत्रमा आफ्नो टिमका नेताहरुले उम्मेदवारी दिएको जानकारी दिए । उनले आफुले एमाले परित्याग गरेको समेत बताए ।

उनले जसपा मधेषको सबैभन्दा भ्रष्ट शक्ति भएको भन्दै त्यस्तो दलसंग तालमेल गरेर जान नसकिने स्पष्ट पारे ।