काठमाण्डु– नेपाली कम्युनिस्ट पार्टीले प्रेम सापकोटालाई राष्ट्रियसभा सदस्यको उम्मेदवार बनाएको छ।

सिन्धुपाल्चोकका सापकोटालाई नेकपाले बागमती प्रदेशबाट उम्मेदवार चयन गरेको हो ।

संयोजक पुष्प कमल दाहाल प्रचण्डले आज बिहान सापकोटालाई राष्ट्रियसभा उम्मेदवारको टिकट प्रदान गरे ।

पार्टीले जनयुद्ध, जनआन्दोलनलगायत सबै परिवर्तनकारी आन्दोलनमा सधैं अग्रमोर्चामा रहेर निष्ठापूर्वक काम गर्दै आएका सापकोटालाई उम्मेदवार बनाएको हो ।

आगामी माघ ११ गते हुने राष्ट्रियसभा सदस्य निर्वाचनका लागि आज मनोनयन दर्ता हुँदैछ।