काठमाण्डु – अर्थमन्त्री वर्षमान पुनले आगामी डेढ महिनाको अवधिमा करिब चार खर्ब रूपैयाँ राजस्व उठ्ने अनुमान प्रस्तुत गरेका छन्।
संघीय संसदमा आगामी आर्थिक वर्षको बजेट प्रस्तुत गर्ने क्रममा उनले चालु वर्षमा १२ खर्ब ५३ अर्ब राजस्व उठ्ने प्रक्षेपण गरेको बताएका हुन्।
चालु वर्ष सकिन अब डेढ महिना मात्रै बाँकी छ। अहिलेसम्म ८ खर्ब ६३ अर्ब रूपैयाँ मात्रै राजस्व संकलन भएको छ।
यस्तै चालु वर्षमा १७ खर्ब ५१ अर्बको बजेट विनियोजन गरिएकोमा १५ खर्ब ३० अर्ब मात्रै खर्च हुने आकलन गरिएको छ।
जसमध्ये चालु खर्च १० खर्ब ६७ अर्ब, पुँजीगत खर्च दुई खर्ब १५ अर्ब र वित्तीय व्यवस्थापन खर्च दुई खर्ब ८७ अर्ब हुने अनुमान गरिएको छ।
प्रतिक्रिया