काठमाण्डु – राष्ट्रिय प्रजातन्त्र पार्टी (राप्रपा)ले उपसभामुखको निर्वाचनमा नेकपा एमालेलाई समर्थन गर्ने भएको छ ।

प्रतिनिधिसभाको जारी बैठकमा बोल्दै राप्रपा अध्यक्ष राजेन्द्र लिङ्देनले उपसभामुखमा एमालेलाई समर्थन गर्ने बताएका हुन् । उनले संविधानको भावना अनुरुप उपसभामुख पदमा प्रतिपक्षको हक लाग्ने भन्दै एमालेकी विद्या भट्टराईलाई मतदान गर्ने बताए ।

‘संवैधानिक व्यवस्थालाई कुनै तर्क र बहानाको आडमा गलत व्याख्या गरिए संविधान मिच्ने क्रम अझै बढ्छु, उनले भने, ‘हाम्रो पार्टीको दृष्टिमा उपसभामुख पद प्रतिपक्षलाई दिनुपर्छ। यो पद प्रतिपक्षको हक पनि हो। त्यसैले हाम्रो समर्थन प्रतिपक्षलाई हुनेछ।’