काठमाण्डु– राष्ट्रपति रामचन्द्र पौडेलले आज मतदाता नामावली ऐन २०७३ मा संशोधन गर्ने अध्यादेश जारी गरेका छन्।

मन्त्रिपरिषद्को सिफारिसमा जारी भएको यस अध्यादेशले आगामी फागुन २१ का लागि तय गरिएको प्रतिनिधिसभाको निर्वाचनका लागि मतदाता नामावली दर्ताको समय थप्न अनुमति दिन्छ।

संशोधनपछि निर्वाचन आयोगले मतदाता नामावलीमा नाम दर्ताका लागि नयाँ समयसीमा तोक्नेछ।

यस अघि, भदौ २३–२४ मा भएको जेनजी आन्दोलनपछि तत्कालीन सरकार ढलेको थियो र त्यसपछिको अन्तरिम सरकारले देश चलाउँदै आएको थियो।

वर्तमान सरकारले, जसको नेतृत्व पूर्वप्रधानन्यायाधीश सुशीला कार्कीले गरेका छन्, फागुन २१ गते निर्वाचन सम्पन्न गराउन जिम्मेवार रहेको छ।

यो सँगै अव निर्वाचन आयोगले मतदाता नामावली संकलनको मिति तोकेपछि मतदाता नामावलीमा नाम छुटेकाहरुले आफ्नो नाम दर्ता गराउन सक्नेछन् ।

निर्वाचन मिति घोषणा भइसकेको अवस्थामा मतदाता नामावलीमा नाम लेखाउन पाइँदैन । तर, राजनीतिक परिवर्तनका लागि भूमिका निर्वाह गरेका थुप्रै युवाहरुको योग्यता पुगेर पनि मतदाता नामावलीमा नाम दर्ता नभएकाले उनीहरूका लागि नाम दर्ता गराउने कानुनी गाँठो फुकाउन अध्यादेश जारी भएको हो ।