काठमाण्डु –  राष्ट्रिय स्वतन्त्र पार्टीको बैठक ११ बजे बस्ने भएको छ। प्रधानमन्त्री पुष्पकमल दाहाल प्रचण्डले गृहको सट्टा भौतिक पुर्वाधार मन्त्रालय लिन नयाँ सन्देश पठाएपछि रास्वपाको शनिवार साँझ बसेको बैठक निष्कर्षहिन अवस्थामा पुगेको थियो ।

प्रधानमन्त्रीको नयाँ सन्देशसँग रास्वपाले आजको बैठकवाट नयाँ निर्णय लिनेछ। पार्टीका सभापति रवि लामिछानेकाे नागरिकता खारेजसँगै उपप्रधान एवं गृहमन्त्री पद गुमाएपछि रास्वपाले आफूले गृह मन्त्रालय नै पाउनुपर्ने अडान राखेको थियो।

बिहीबारकाे बैठकले गृह मन्त्रालय रास्वपालाई नै दिने वा नदिने भन्नेबारे निर्णय गर्न प्रधानमन्त्री र उच्चस्तरीय राजनीतिक संयन्त्रका संयोजकलाई दुई दिनको समय दिएको थियो। गृह नपाए सरकारबाट बाहिरिने चेतावनी समेत दिएको थियो।