सरकारले विद्यार्थीको दिवा खाजा खोसेकोप्रति संसद्मै गुनासो
काठमाण्डु – सरकारले विद्यार्थीको दिवा खाजा खोसेकोप्रति संसद्मै गुनासो सुनिएको छ ।
मंगलबारको प्रतिनिधिसभा बैठकमा बोल्दै नेपाली कांग्रेसका सांसद रामकृष्ण यादवले विद्यार्थीको दिवा खाजा रोकिएकोप्रति आपत्ति जनाएका छन् ।
सांसद यादवले दिवा खाजा रोकेर सरकारले बालबालिकामाथि अपराध गरिरहेको आरोप लगाए ।
उनले भने, ‘धनुषाको सामुदायिक विद्यालयमा दिवा खाजा रोक्का गरिएको छ, गरीबका विद्यार्थीले पाउँदै आएको दिवा खाजा रोकिएकाले उनीहरू भोकभोकै परेका छन्, यो दिवा खाजा तुरून्त खुवाउन सुरू गरियोस् ।’
