काठमाण्डु – श्रममन्त्री शरतसिंह भण्डारीले मुलुक अगाडि बढ्न श्रम र श्रमिकको सम्मान हुनुपर्ने बताएका छन् ।

आईतबार काठमाण्डुमा आयोजित कर्मयोगी बद्रीविक्रम थापाको १०३औं जन्म–स्मृति सभा तथा बद्रीविक्रम राष्ट्र गौरव पुरस्कार एवं सेवा पुरस्कार नेपाल समर्पण समारोहमा बोल्दै उनले श्रमको सम्मानले मुलुक अगाडि बढ्ने बताएका हुन् ।

उनले भने, ‘बद्रीविक्रम थापा स्मृति सेवा गुठीले केही नयाँ गरिरहेका छ । श्रम पुरस्कारका बारेमा हामीले कुरा गरेका छौं । श्रम र श्रमिकको जबसम्म सम्मान हुँदैन, त्यो मुलुक अगाडि बढ्न सक्दैन ।’

उनले आफू बच्चा हुँदादेखि चिया खाने गरेको पसललाई सम्मान गर्न पाएकोमा खुसी लागेको भन्दै श्रमलाई सम्मान गर्ने कामलाई निरन्तरण गर्न आग्रह समेत गरेका छन् ।