काठमाण्डु– श्रीनगर एग्रीटेक इन्डस्ट्रिजले आइपीओ निष्कासन गरेको छ। कम्पनीलेले दोस्रो चरणमा सर्वसाधारण लगानीकर्ताका लागि आज (असोज २६ गते) देखि आइपीओ जारी गरेको हो।

आइपीओ छिटोमा असोज २९ गते र ढिलोमा कात्तिक ९ गते बन्द हुनेछ।

कम्पनीले सर्वसाधारण लगानीकर्ताका लागि प्रतिकित्ता १०० रुपैयाँ अंकित मूल्यका २५ करोड १० लाख ४९ हजार ३०० रुपैयाँ बराबरको २५ लाख १० हजार ४९३ कित्ता सेयर निष्कासन गरेको छ।

यो आइपीओमा लगानीकर्ताले न्यूनतम १० कित्ता र अधिकतममा १० हजार कित्ताका लागि आवेदन दिन सक्नेछन्।

लगानीकर्ताले नेपाल धितोपत्र बोर्डबाट स्वीकृति प्राप्त गरेका सम्पूर्ण सी–आस्बा सदस्य बैंक तथा वित्तीय संस्थाहरु र तिनका तोकिएका शाखा कार्यालय र सीडीएससीको मेरो सेयरबाट आवेदन दिन सक्नेछन्।

कम्पनीको बिक्री प्रबन्धक नबिल इम्भेष्टमेन्ट बैंकिङ रहेको छ।