ब्रेकिंग न्युज समाचार

सुडानमा सैनिक शासन लागू,राष्ट्रपति ओमार अल-बशीर सेनाद्वारा गिरफ्तार

एजेन्सी – सुडानमा झण्डै ३० वर्ष शासन गरेका राष्ट्रपति ओमार अल-बशीरलाई सशस्त्र सेनाले सत्ताच्युत गरेर गिरफ्तार गरेको छ । यसका साथै सेनाले दुई वर्षका लागि सैन्य शासनको घोषणा पनि गरेको छ । त्यसपछि मात्र निर्वाचन गरिने जनाएको छ ।

सरकारी टेलिभिजनमा बोल्दै रक्षामन्त्री अवध मोहम्मद अहमद इन्ब आफैले भनेका छन् । देशको सेनाले अब दुई बर्षे संक्रमणकालको जिम्मा लिनेछ र त्यसपछि निर्वाचन हुनेछ। उनले देशमा तीन महिनाको लागि संकटकाल लागु गरिएको पनि बताएका छन्। गत केही महिनायता सन् १९८९ देखि सुडानमा शासन गर्दै आएका राष्ट्रपति अल-बशीरका विरुद्ध विभिन्न विरोध प्रदर्शनहरू हुँदै आएका थिए।

रक्षामन्त्री औफले यस अवधिमा देशव्यापीरूपमा युद्धविराम तथा संविधान निलम्बित रहने बताएका छन् । यसका साथै उनले सुडानको एअर स्पेस १४ घण्टा बन्द रहने तथा बोर्डर पनि सिल गरिने बताए । सुडानमा कोही आउन र बाहिर जान रोक लगाइएको छ । बशीरको घरमा सुरक्षा घेरा बढाइएको छ ।

ओमार अल-बशीरका विरुद्ध अन्तर्रा्ष्ट्रिय फौजदारी अदालतले एक अन्तर्रा्ष्ट्रिय पक्राउ पूर्जी जारी गरेको छ। उक्त अदालतले उनलाई सुडानको पश्चिमी डारफर क्षेत्रमा युद्ध अपराध गराएको र मानवता विरोधी अपराध गरेको आरोप लगाएको छ। महंगीबाट गुज्रिरहेको सूडानमा त्यहाँका जनता राष्ट्रपति बशीरका खिलाफ हप्तौंबाट राजधानीमा प्रदर्शन गरिरहेका छन् भने देशका अन्य भागमा करीब चार महीनादेखि प्रदर्शन भइरहेको छ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top