गौरिकाले जितिन् तीन स्वर्ण, रचिन इतिहास
काठमाडौं – १३औं दक्षिण एसियाली खेलकुद (साग) अन्तर्गत गौरिका सिंहले तेस्रो स्वर्ण जितेकी छन् । सातदोबाटोस्थित पौडी पोखरीमा भएको पौडी अन्तरर्गत ४०० मिटर फ्री स्टाइलमा उनले स्वर्ण जितेकी हुन् ।
उनले निर्धारित दुरी ४ मिनेट २५.२८ सेकेण्डमा पुरा गरेसँगै उनी सागको एउटै संस्करणमा तीन स्वर्ण जिच्त्ने पहिलो नेपाली खेलाडी बनेकी छन् । उनले २०० मिटर फ्री स्टायल र ब्याकस्ट्रोकमा स्वर्ण जितेकी थिइन् । यस्तै १०० मिटर ब्याकस्ट्रोकमा रजत पदक जितेकी छन् ।
