काठमाण्डु – नेकपा एमाले सचिवालय बैठक पार्टी केन्द्रीय कार्यालय च्यासलमा सुरु भएको छ ।

बैशाख ८ र ९ गते बस्ने महाधिवेशन प्रतिनिधि परिषद्को बैठकको तयारीका निम्ति बैठक बसेको प्रचार तथा प्रकाशन विभाग प्रमुख राजेन्द्र गौतमले जानकारी दिए ।

महाधिवेशन प्रतिनिधि परिषद् बैठक ललितपुरको गोदावारीस्थित सनराइज हलमा बस्ने गरी तोकिएको छ ।

सचिवालय बैठकमा कम्युनिस्ट पार्टीको ७५औं स्थापना दिवसका विषयमा पनि छलफल गरिने जनाइएको छ ।

वैशाख १५ गते हुने उपनिर्वाचन लगायत समसामयिक राजनीतिक विषयमा पनि छलफल गरिने प्रमुख गौतमले बताए ।