काठमाडौं – प्रमुख प्रतिपक्षी दल नेपाली कांग्रेसका नेता गगनकुमार थापाले प्रधानमन्त्री केपी शर्मा ओलीको धम्कीबाट कोही नतर्सने बताएका छन् ।

शुक्रबार अन्तर्राष्ट्रिय मजदुर दिवसको अवसरमा प्रधानमन्त्रीले जारी गरेको भिडियो सन्देशमा सरकारका कमजोरीमाथि खबरदारी गर्नेलाई धम्की दिएको भन्दै नेता थापाले त्यस्तो धम्कीबाट कोही पनि नतर्सने प्रतिक्रिया दिएका हुन् ।

सामाजिक सञ्जाल ट्विटरमा शुक्रबार नेता थापाले कारोनाको महामारीका बेला प्रधानमन्त्री ओलीले आफ्नो स्वास्र्थका लागि अनेक खेल खेलेर परिस्थितिलाई बिगारेको र त्यसको खबरदारी गर्नेलाई धम्की दिएको आरोप लगाएका छन् । उनले प्रधानमनत्री ओलीले गर्नुपर्ने काम नगरेको र खबरदारी गर्नेलाई धम्की दिएको भन्दै यस्तो धम्कीबाट कोही नतर्सने बताए ।

‘महामारीको मौका छोपेर आफ्नो स्वार्थका लागि अस्थिरताको खेल खेल्ने,अनेकन प्रपञ्च रचेर परिस्थिति विगार्ने तपाईं । गर्नु पर्ने नगर्ने, देख्नुपर्ने नदेख्ने, सुन्नुपर्ने नसुन्ने तपाईं । अनि धम्की ती खवरदारी गर्नेहरूलाई ?’, नेता थापाले लेखेका छन्, ‘जो चोर उसैको ठूलो स्वर । कोही तर्सनेवाला छैन यो धम्कीबाट ।’

वाह @PM_Nepalज्यू!
महामारीको मौका छोपेर आफ्नो स्वार्थका लागि अस्थिरताको खेल खेल्ने,अनेकन प्रपञ्च रचेर परिस्थिति विगार्ने तपाईं!गर्नु पर्ने नगर्ने,देख्नुपर्ने नदेख्ने,सुन्नुपर्ने नसुन्ने तपाईं!अनि धम्की ति खवरदारी गर्नेहरूलाई?जो चोर उसैको ठूलो स्वर।कोही तर्सनेवाला छैन यो धम्कीबाट।

— Gagan Thapa (@thapagk) May 1, 2020