काठमाण्डु – काठमाण्डु उपत्यकामा पछिल्लो २४ घण्टामा ९ सय ४३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार काठमाण्डुमा ८१७, ललितपुरमा ६८ र भक्तपुरमा ५८ जना रहेका छन् ।

यस्तै बुधबार ९ सय २ जनामा कोरोना भाइरस संक्रमण पुष्टि भएको थियो । जसअनुसार काठमाण्डुमा ६९७, ललितपुरमा ११२ र भक्तपुरमा ९३ जना रहेका थिए ।

योसहित काठमाण्डु उपत्यकामा संक्रमितको संख्या २५ हजार १ सय पुगेको प्रवक्ता डा. गौतमले जानकारी दिए ।