काठमाण्डु – सरकारले नेपाल प्रहरीका एक जना अतिरिक्त महानिरीक्षक (एआईजी) र पाँच जना प्रहरी नायव महानिरीक्षक (डीआईजी) को दरबन्दी थप गरेको छ ।

गृह मन्त्रालयले एक जना एआईजी र पाँच डिआईजीको दरबन्दी थप गर्ने निर्णय गरेको हो । यसअघिको मन्त्रिपरिषद्को बैठकले दरबन्दी थप गर्ने निर्णय गरेको थियो ।

हाल दरबन्दी थप भएसँगै एआईजीको संख्या चार पुगेको छ भने डीआईजीको संख्या १९ पुगेको छ ।

सरकारले डीआईजी विश्वराज पोखरेललाई एआईजीमा बढुवा गर्ने तयारी गरेको छ ।