काठमाण्डु – नेपालमा पछिल्लो २४ घण्टामा ८ सय ९९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार कुल संक्रमितको संख्या २ लाख ४७ हजार ५ सय ९३ पुगेका छन् ।

त्यस्तै पछिल्लो २४ घण्टामा १ हजार ३ सय ५९ जनाा संक्रमित डिस्चार्ज भएका छन् । हालसम्म नेपालमा २ लाख ३४ हजार २ सय ३१ जना कोरोना संक्रमित निको भएका छन् ।

हालसम्म १८ लाख २५ हजार ८ सय ६० जनाको पीसीआर परीक्षण गरिएको मन्त्रालयले जनाएको छ । पछिल्लो २४ घण्टामा १५ जनाको मृत्यु भएको छ भने हालसम्म नेपालमा कोरोना संक्रमणबाट मृत्यु हुनेको संख्या १६ सय ८९ जना पुगेका छन् ।