काठमाण्डु – नेपालमा पछिल्लो २४ घण्टामा ५ सय ३४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार कुल संक्रमितको संख्या २ लाख ६० हजार ५ सय ९३ पुगेकाे छ ।

त्यस्तै पछिल्लो २४ घण्टामा ४ सय ४७ जना संक्रमित डिस्चार्ज भएका छन् । हालसम्म नेपालमा २ लाख ५२ हजार ३ सय ५९ जना कोरोना संक्रमित निको भएका छन् ।

हालसम्म १९ लाख ३२ हजार ४ सय ७७ जनाको पीसीआर परीक्षण गरिएको मन्त्रालयले जनाएको छ । पछिल्लो २४ घण्टामा ९ जनाको मृत्यु भएको छ भने हालसम्म नेपालमा कोरोना संक्रमणबाट मृत्यु हुनेको संख्या १९ सय ५६ जना पुगेका छन् ।